Despois da morte do seu gran amor, Julia pensa que a súa vida tamén terminou. Pero a súa viaxe non fixo máis que empezar. E é que o destino pode cambiar nuns segundos e ofrecerche unha nova oportunidade para ser feliz.
A traxedia golpeou a Julia onde máis doe: no corazón. Rota pola pena, regresa ao pobo da súa familia, preto do mar, para tentar sanar das feridas en compañía dos seus. Alí descobre a correspondencia entre os seus avós, Miguel e Candea, separados hai anos cando el tivo que emigrar a Alemaña, onde faleceu repentinamente. Agora que a súa avoa está enferma, Julia decide seguir as pistas das cartas para coñecer a verdade sobre a morte do seu avó. Pero o que descubrirá será moito máis sorprendente do que pensa, un segredo capaz de dar un envorco á súa existencia e abrir por fin a porta á esperanza.