Día da PAZ: "En un lugar llamado guerra" (Jordi Sierra i Fabra)

Libro elixido con motivo da conmemoración do Día escolar da Paz e a Non Violencia (30 de xaneiro). 

Unha guerra afastada, un país ignoto, un novo xornalista que debuta como correspondente e un adolescente disposto a facerlle de intérprete no inferno. Máis aló da guerra, das necesidades dun e outro, da supervivencia do neno e o afán de aventura do xornalista, a amizade e o corazón impoñeranse á tolemia. Esta é a historia dunhas vidas ao límite na turbulencia do noso mundo.

Nadie dentro de ti (Roy Galán)

Ninguén dentro de ti é unha chamada electrizante, unha onda de sororidad, unha canción de berce para os que loitan pola igualdade. 

Unha historia épica e intimista para soñar un mundo mellor. 

Despois de Irrepetible e A tenrura, volve Roy Galán cun novo # Blackbirds, unha historia única que che arrebatará. 

Lúa vai cumprir quince anos, nunca saíu do niño e só espera que EL a elixa. Ser digna. Pero o conto nunca é da maneira que nolo contaron. O que Lúa non sabe é que no seu interior hai algo que a axudará a descubrir un posible camiño cara á liberdade para ela e para as súas irmás.

La ternura (Roy Galán)

Roy Galán regresa cun novo # BlackBirds, un precioso libro ilustrado que trata sobre a feminidade, a intimidade e o paso á idade adulta.

Gata odia a realidade imposta como só pode facelo alguén que espera sempre un pouco máis da vida. Desde a súa mirada, cuestiona o relato que a súa nai, os profesores ou a propia sociedade tratan de que acepte sen máis. Ela non desexa iso para si mesma. Así que na súa loita por construírse levaranos da man a través dos seus descubrimentos, as súas dúbidas e decepcións para poder atopar o seu lugar no mundo. 

A tenrura supón ante todo un reencontro, pretende ser unha ponte para atravesar o abismo sen perdernos, sen deixar atrás todo o que nos pertence na infancia, esa capacidade espontánea e infinita de mostrar afecto polo que nos emociona.

Irrepetible (Roy Galán)

Roy Galán analiza a realidade que lle rodea, que nos rodea, dun modo profundamente persoal e crítico.

Irrepetible é o seu libro, un libro único que nos leva ata as profundidades do sentimento: un libro para consentirse e para consentir. Irrepetible é unha xanela cara a este planeta. Un libro escrito desde fóra para ver o de dentro. Un libro especial e sinxelo para que o entenda todo o mundo. Un libro cargado de tenrura que reivindica o fermoso da nosa existencia. Un libro para recuperase do triste do noso paso pola mesma. Un libro para confiar de novo na vida. Un libro, en definitiva, para que todo vaia ben. 

Roy Galán escribe desde antes mesmo de que aprendese escribir. Porque escritor tamén é o que soña, consciente de que hai un mundo no reverso de cada letra, e seméntanos a dúbida de se seica non será ese o mundo real.

Todos somos (Marcos Calveiro)

Dende a desaparición de Natalia os pais de Antón xa non lle deixaban baixar o lixo á noitiña. Parecía incríbel que a súa vida, a vida de todos eles, dese un xiro tan brusco e dramático en tan pouco tempo. As cousas andaran nas mans do demo dende que a nova da desaparición de Natalia, compañeira de clase de Antón, correra como a pólvora por toda a praza da Bichoca. O sábado, ao día seguinte de desaparecer, xa o sabía todo o mundo. Mais foi o domingo cando todos foron conscientes da brutal realidade e de que a cousa ía en serio.

O pintor do sombreiro de malvas (Marcos Calveiro)

Un adolescente é enviado pola súa nai dende París a pasar cunha tía unha boa tempada na vila de Auvers. Durante aqueles días do verán de 1890, coñecerá a Vincent, un pintor que semella beberse a vida con cada violenta pincelada sobre o lenzo e do que durante sesenta e nove días se fará inseparable, acompañándoo no seu deambular polos trigais e na súa infatigable loita contra os convencionalismos da vida provinciana. Mais o mozo tamén descubriá o amor, coñecerá algúns misterios sobre o seu pasado e se enfrontará por vez primeira á morte, o que o obrigará a tomar unha decisión sobre o futuro que lle agarda.

Festina lente (Marcos Calveiro)

Devagar, un carro baixa chirlando polo Preguntoiro ateigado de libros prohibidos e expurgados polo Santo Oficio. Estamos en Compostela no ano do Noso Señor de 1627 e este é o colofón do códice que, caderniño a caderniño, o encadernador Ambrosio Cavaleiro coseu na soidade do seu obradoiro da rúa da Armada dende que era un aprendiz canda o seu mestre. As campás, tristeiras, repenican a defunto, o vento zoa nas rúas e esparexe o capítulos todos da súa existencia. As páxinas de pergamiño, como faíscas, danzan sobre os tellados e os campanarios furtando á voraz desmemoria as lembranzas fuxidías, os acenos, mecos e rostros dunha vida. O coñecemento, como a pedra gravada polos arxinas a cicel e maceta dende a noite dos tempos, permanece no alento dunha idade incerta asolagada polo silandeiro andazo da intolerancia. Festina lente é a primeira novela para público adulto de Marcos S. Calveiro, unha das maiores descubertas da narrativa galega recente. Novela histórica, ambientada na Compostela do século dezasete, escrita con enorme alento e prosa inusualmente depurada, propón ao lector unha intrigante viaxe polo mundo dos libros e o coñecemento nun tempo de intolerancia.

Palabras de auga (Marcos Calveiro)

En 2014, Palabras de auga, escrita por Marcos Calveiro e ilustrada de forma impecable por Ramón Trigo, entrará a formar parte da Lista de Honra do IBBY. Non é o primeiro galardón que recibe esta obra. No ano 2012 fíxose co prestixioso Premio Merlín de Literatura Infantil. Dura, realista e conmovedora, a novela tece coa paciencia necesaria o día a día dunha tribo de nómades, os Kimba, que camiñan baixo o sol máis inclemente buscando alimento, símbolo da esperanza e da posibilidade de futuro.

Amadou só é un neno, pero xa coñece o sufrimento: a fame, a sede e a violencia forman parte da súa vida cotiá. Ademais, o seu irmán Numba desapareceu e deben atopalo. Ao longo do relato, Amadou non só camiña xunto á súa tribo na procura dunha terra mellor, senón que tamén emprende unha difícil viaxe interior cara a unha madurez para a que quizais aínda non estea preparado. Coa axuda da súa nai aprenderá a recoller sementes arrebatando o alimento das formigas. Ela inculcaralle valores tan importantes como a xustiza, o respecto ou o agradecemento. Pero chegou o momento de converterse nun auténtico guerreiro e enfrontarse á caza e ás difíciles reunións do consello da tribo. Escrita con oficio, con valentía e coa emoción precisa, Palabras de auga é unha obra sólida e coidada que nos achega a unha realidade demoledora.

Relatos de terror sobrenatural (Robert E. Howard)

Nesta escolma recóllense catro dos máis importantes relatos de terror sobrenatural de Robert E. Howard: A pedra negra, Os vermes da terra, O lume de Asshurbanipal e Os fillos da noite.

Cunha fonda pegada lovecraftiana, Howard trata temáticas como os deuses primixenios, os cultos perdidos, a memoria racial, os medos que subxacen na psique do ser humano etc., todo cun maxistral estilo narrativo áxil e efectivo que non deixa indiferente a ningún lector.