Candela é unha muller de corenta e poucos anos cunha vida normal, afeita á soidade, enormemente observadora e cun ácido sentido do humor. Os seus días transcorren sen grandes sobresaltos mentres traballa de camareira no bar que rexenta xunto á súa avoa e á súa nai chosca. Un bar de barrio polo que, a través dos seus clientes, pasa a vida enteira. Candela deberá alumar calquera penumbra, mesmo esa que volve desde o pasado que cría esquecido.