A arte do mando era tratar coa natureza humana, e el dedicara a súa vida para aprendelo. Colgou a espada do arzón, palmeó o pescozo cálido do animal e botou unha ollada ao redor: sons metálicos, resollar de monturas, conversacións en voz baixa. Aqueles homes cheiraban a esterco de cabalo, coiro, aceite de armas, suor e fume de leña. »Rudos nas formas, extraordinariamente complexos en instintos e intuicións, eran guerreiros e nunca pretenderan ser outra cousa.