Mary Beard non é só a clasicista máis famosa a nivel internacional; é tamén unha feminista comprometida e como tal maniféstase asiduamente nas redes sociais. Neste libro mostra, con ironía e sabedoría, como a historia tratou ás mulleres e personaxes femininos poderosos. Os seus exemplos van desde o mundo clásico ata o día de hoxe, desde Penélope, Medusa ou Atenea ata Theresa May e Hillary Clinton. Beard explora os fundamentos culturais da misoxinia, considerando a voz pública das mulleres, as nosas suposicións culturais sobre a relación das mulleres co poder e canto se resisten as mulleres poderosas a ser sometidas a un patrón masculino.