As Metamorfoses, fonte de inspiración de poetas, humanistas e artistas de todas as épocas, é a máis fecunda creación literaria da antigüidade. Este extenso poema épico ofrece unha espléndida mostra mitográfica arroupada por un coherente marco filosófico. Duascentas cincuenta historias, mitos e lendas que abarcan desde o nacemento da humanidade e a creación do mundo, na era dos cataclismos, ata a morte e apoteose de César. As Metamorfoses describen o marabilloso, o prodixioso, as máis incribles transformacións, nun estilo rápido e elegante. O seu carácter narrativo convive co amorne poético, o fondo didáctico e unha diversidade de xéneros literarios, desde o himno e a traxedia á elexía amorosa e a poesía pastoril. Pola súa facilidade natural para a poesía e a súa arte para reflectir as paixóns humanas, Ovidio, impulsado secretamente polas musas, alcanza coas súas Metamorfoses a gloria dos mellores clásico.