"O meu pai morreu fai once anos, cando eu só tiña catro. Crin que non
volvería saber nada del, pero agora estamos a escribir un libro
xuntos..." Así comeza A moza das laranxas que fai reflexionar ao lector
sobre a intensidade da Vida, pero tamén sobre a morte. Unha historia que
nos fala do Tempo e sobre que somos realmente, que misterio compartimos
co universo. Elixiriamos nacer, e coñecer a vida en toda a súa
intensidade, sabendo que quizá sexa para permanecer só un instante nela?
Ou rexeitariamos a oferta? Georg, un mozo de 15 anos
apaixonado pola astronomía, atopa unha antiga carta que o seu pai
escribiu para el ao saber que ía morrer. Nela cóntalle o gran amor que
sentiu pola misteriosa Moza das Laranxas para finalmente formularlle
unha importante pregunta, á que Georg debe responder. Antes de contestar, Georg escribiría un libro co seu pai, un libro que vai máis aló do tempo e dos límites da morte.