1968. Nunha Europa dividida por un muro insalvable, dous homes e unha muller buscan desesperadamente o seu destino. A anodina vida de Sofía e Daniel cambia radicalmente cando el recibe unha carta anónima na que se lle di que Sagrario, á que venera, non é a súa verdadeira nai e que se quere coñecer a verdade da súa orixe debe ir a París esa mesma noite. Intrigado, pregunta ao seu pai por esta cuestión e el recoméndalle que o deixe pasar, que non remova o pasado. Con todo, hai preguntas que necesitan unha resposta e esta procura desencadeará unha sucesión de terribles acontecementos e encontros inesperados de infortunado desenlace que trastornará a súa vida e a da súa muller, Sofía, para sempre. Madrid, París e o seu maio do 68, o muro de Berlín, a Stasi e a KGB, os servizos de contraespionaxe na España tardofranquista e tres personaxes en busca da súa identidade son as claves desta fantástica novela.