Embarca nunha das maiores aventuras da Historia da humanidade: a primeira volta ao mundo de Juan Sebastián Elcano.
En xullo de 1526, Elcano atópase ao bordo a morte. Está no medio do Pacífico, e tenta chegar á Especiería por segunda vez. Ao ver preto o fin, decide redactar o seu testamento e ditar as súas memorias.
Nelas fala da súa infancia ligada á mar, os seus amores e os seus fillos, a súa fermosa nave que puxo ás ordes do Gran Capitán en Italia e da súa traizón á Coroa. E de como en Sevilla coñeceu a Fernando de Magallanes e embarcou ás súas ordes rumbo ás Molucas para probar que pertencen a España, dando comezo á epopea que cambiaría a visión do mundo para sempre.
Sanguentos motíns, desapiadadas tormentas, ventos xeados, naufraxios, emboscadas indíxenas e a sabotaxe dos espías da coroa portuguesa, que quería custe o que custe manter o seu monopolio do comercio das especias, non impediron que dezaoito sobreviventes ás ordes de Elcano regresasen tres anos despois cargados dun tesouro fabuloso.
Esta novela, chea de aventura, acción e rigor, conmemora a súa fazaña no V centenario da primeira volta ao mundo