Este libro ábrenos as portas ao estudo artístico e ao universo creativo do internacionalmente recoñecido autor e ilustrador francés Benjamin Lacombe. A súa extensa obra foi publicada en numerosos idiomas e as súas ilustracións protagonizaron exposicións en diferentes países.
O autor revélanos nestas páxinas, mediante textos, ilustracións, bosquexos e fotografías, a súa maneira de abordar e desenvolver os proxectos, os seus intereses e paixóns, as súas fontes de inspiración... nun persoal e fascinante percorrido pola súa extensa traxectoria profesional.
