A
esposa e a amante, dúas mulleres que poderían ser rivais, mais que
non o son; todo o contrario, son irmás, amigas, cómplices,
confidentes. E que teñen en común? O seu amor e odio por Ulises,
personaxe que serve de elo entre estas dúas poderosas mulleres,
Penélope e Circe. A
través dunha relación epistolar trábase entre elas un universo
feminino onde as protagonistas son as mulleres e o amor.
Di
Begoña Caamaño “É o tempo do feminismo: da xustiza, da
igualdade, da liberdade, da dignidade e, por qué non? Da felicidade”
Eses valores dos que fala, esa felicidade que nunca esquece e que
tinguen estas páxinas escritas dende o amor.
Se
queres adentrarte no mundo da mitoloxía e dos sentimentos femininos
non podes deixar de ler Circe ou o pracer do azul.